FavoriteLoading
0

日本樂天網購全攻略

香港人素來喜愛日貨,最近日元落返7算左右,自然想即刻飛去日本掃貨。然而假期總是有限的,人在香港又想平買日貨點算?呢個時候,日本購物網站樂天(Rakuten)幫到你!以當地價格購入心水貨品,再加些許運費運到香港,價錢多數平過喺香港買或搵代購。至於點樣買?有乜抵買?點慳運費?而家就等淘貨仔同大家詳細介紹!(2017年9月更新資料)

日本樂天市場

日本樂天市場係日本最大規模嘅網上購物中心,擁有幾萬間線上專賣店,貨品包羅萬有,緊貼日本潮流。樂天同好多 網購 平台使用方式相近,操作簡單,而且提供中英文版本,唔識日文都可以順利購物。

樂天嘅購物平台其實有兩個,分別係「樂天市場」同「Rakuten Global Market」。「樂天市場」專攻日本國內市場,只有日文版,店舖多達40,000間,但大部分唔發貨至海外;主攻海外市場嘅「Rakuten Global Market」則有中韓英語言選擇,有10,000多間店舖,所有店舖都接受海外訂單。

購物貼士

1)用日文搜尋商品

如果你已有想買嘅物品,可在首頁輸入物品名稱,直接搜尋。不過樂天市場嘅中英文商品名稱係由日文翻譯而成,未必精確。要獲得更多更準確嘅搜尋結果,最好用日文搜尋。

2)落單前,自行估算運費

上網買嘢除咗要睇商品價錢之外,最緊要睇埋運費!樂天市場以EMS送貨,將1kg貨品送回香港需 2,100 日圓(約HK$161)運費。在商品頁面點擊「估計運費」,你會見到寄去唔同國家、唔同重量嘅EMS運費表作參考,但最終運費會於付款後,以賣家確認為準。

3)善用集運,節省運費

樂天運費本身唔平,當你同時幫襯咗幾間店舖,並讓每間舖分別將貨物運送到香港,運費更加會倍增。因此,為咗慳番啲運費,大家可考慮使用日本集運服務,先將貨件送至日本本土貨倉,再一次過集運回港(詳見下文介紹)。

4)付款後,回覆運費電郵

於樂天成功落單後,買家一般會收到3封電郵:1)由樂天發出嘅訂單確認郵件;2)由店舖發出嘅訂單確認郵件;3)由店舖發出嘅所需運費郵件。幾封電郵中,你特別需要查看「運費郵件」,因為此電郵列明咗商品嘅實際運費,買家需以簡單英文回覆是否同意該運費。如同意,可回覆:「I agree with the shipping cost, please send to me accordingly.」如不同意,可回覆:「I’m sorry, I don’t agree with the shipping cost, please cancel my order.」如果無回覆,則會被店舖當成默認該報價,貨品會如常發出。

5)如有任何唔明,即搵「在線客服」

雖然 Rakuten Global Market 提供中英文版本,不過商品介紹既翻譯或會有啲奇怪,而且可能仲有唔少日文。如果有任何唔明,你可以點擊右上角嘅「在線客服」,搵客戶服務員問清楚。客戶人員識中英文,但未必係香港人,所以記得打字唔好用口語呀!(「在線客服」服務時間:香港時間 星期一至日 上午9:00 – 下午5:00)

6)Mark實「樂天超級點數」回贈,慳得更多!

樂天會員每消費100日圓,即可得1點樂天超級點數,每1點樂天超級點數可以當1日元用,換句話說即等同1%回贈。想賺更多點數有兩種方法:(1) 趁店鋪做緊額外點數優惠時落單;(2) 憑指定信用卡於樂天付款,可獲10-15倍樂天超級點數。(*非會員都可以喺樂天購物,不過就拎唔到樂天超級點數。)

 

日本集運服務

顧名思義,集運就係將各樣貨品集合起嚟,一次過進行運送。日本好多集運公司可讓你先將貨件寄至該公司嘅日本貨倉,再一併運返香港,以節省運費。海外消費者會使用集運,一般有以下原因:

  1. 分別喺唔同店舖購物,再將包裹集合運送回港。
  2. 同親友約埋一齊網購,然後用集運慳返運費。
  3. 部分店舖/網站嘅貨品只限本地郵遞。
  4. 店舖/網站可提供海外速遞,但運費偏貴。

常用集運公司

香港人最常用嘅集運公司主要有兩間,分別係Jshoppers 同Tenso,兩間都係日本人開辦嘅公司,服務比較可靠,網站有提供中文版本,清晰易用。

1)轉送Japan(Jshoppers)網站:https://tensojapan.jshoppers.com

Jshoppers係出名運費較平嘅集運公司,因為佢地係用順豐速運,收費比其他運送方法平,而且通常一個禮拜內會送到。不過佢哋登錄運單嘅速度比較慢,倉庫收咗你件貨後,未必即刻上網Check到,所以急件唔太建議用佢地。

2)TENSO 網站:https://www.tenso.com

TENSO係一間比Jshoppers更具規模嘅集運公司,發貨速度比較快,但價錢就冇咁平。佢哋嘅手續費係因應運費而作調整,並唔係劃一收費,所以整體費用會比其他公司貴。TENSO已經同樂天合作推出運費優惠,有優惠嗰陣價錢都OK的。

3)4PX遞四方(轉運四方)網站:http://hk.transrush.com/

不知道如何使用的可以點擊這篇文章》》教程

來自中國內地的轉運公司,運費比上述2間更低,而家憑DBS信用卡付款並輸入推廣編號(按此查閱),每月更可享3次運費5折優惠!

2018年4月30號前還可以享受香港八達通運費5折》》運費5折

 

樂天信用卡優惠

香港好多信用卡都有提供樂天購物優惠,善用呢啲優惠,可以慳番唔少!

MasterCard:10倍樂天超級點數

由即日起至2018年2月23日(日本時間23:59),逢星期五用MasterCard於Rakuten Global Market付款,可享有10倍樂天超級點數(等同10% 回贈)!查看詳情

渣打MasterCard – 15倍樂天超級點數

由即日起至2017年11月26日(日本時間23:59),逢星期五、六及日使用渣打指定MasterCard付款,可享有15倍樂天超級點數(等同15% 回贈)!查看詳情

渣打亞洲萬里通萬事達卡詳情

中銀/大豐信用卡:20%回贈

由即日起至2017年10月31日,於樂天市場單一簽賬滿JPY30,000或以上,逢星期三使用中銀/大豐指定MasterCard付款,可享有20倍樂天超級點數(等同20% 回贈)!。查看詳情

更多中銀信用卡詳情

 

最後編輯時間:2018/4/4作者: 淘貨仔

淘貨仔

淘貨仔,淘寶天貓購物集運資訊,有購物問題,淘寶集運問題歡迎交流。淘寶優惠券www.taohuozai.com

沒有評論

發佈留言

發佈留言必須填寫的電子郵件地址不會公開。 必填欄位標示為 *

加好友交流

加好友交流